ვინ ვართ ჩვენ?
„ლიგალ კონცეპტი“ არის პროფესიონალი იურისტებისგან დაკომპლექტებული კომპანია, რომელიც ფიზიკურ და იურიდიულ პირებს კვალიფიციურ იურიდიულ მომსახურებას სთავაზობს.
გუნდი შედგება იურისტებისგან, რომლებსაც სხვადასხვა სფეროში წარმატებულ კომპანიებში მრავალწლიანი სამუშაო გამოცდილება აქვთ.
კომპანია ორიენტირებულია რთული იურიდიული საკითხების მარტივი და კრეატიული გადაწყვეტისკენ.
რას გთავაზობთ?
„ლიგალ კონცეპტი“ სრულ სამართლებრივ მხარდაჭერას გთავაზობთ სამოქალაქო და ადმინისტრაციული სამართლის მიმართულებით.
აქტუალური სამართლებრივი საკითხებით დაინტერესებულ პირებს კი თქვენთვის საინტერესო ტრენინგებს და ვორქშოპებს გპირდებით.
ჩვენი კლიენტები
ჩვენი სერვისები
„ლიგალ კონცეპტი” ფიზიკურ და იურიდიულ პირებს სამოქალაქო და ადმინისტრაციული სამართლის მიმართულებით სრულ სამართლებრივ მხარდაჭერას სთავაზობს.
კომპანიებისთვის სამეწარმეო საქმიანობის განხორციელებისას სრული იურიდიული აუთსორსინგი, რაც მოიცავს, ყოველდღიური საჭიროებების გათვალისწინებით პროცესების სამართლებრივ მხარდაჭერას.
კომპანიის დაფუძნებასთან და მის სამეწარმეო საქმიანობის განხორციელებასთან დაკავშირებული კორპორაციულ-სამართლებრივი დოკუმენტების მომზადება.
ნებისმიერი სახის ხელშეკრულების შედგენა, მათ შორის, ნასყიდობის, ქირავნობის, იჯარის, მომსახურების/ნარდობის და სხვ.
უძრავი ქონების წინარე და ძირითადი ნასყიდობის ხელშეკრულებების შედგენა/ანალიზი.
შრომითსამართლებრივი დოკუმენტების შემუშავება, კომპანიის წარმომადგენლობა შრომის ინსპექციის სამსახურთან. დასაქმებულის გათავისუფლებასთან დაკავშირებული პროცესის სრული სამართლებრივი მხარდაჭერა.
დაზღვევის ხელშეკრულების ანალიზი და სამართლებრივი დასკვნის მომზადება, საპრეტენზიო წერილის მომზადება, პირის წარმომადგენლობა დაზღვევის ზედამხედველობის სამსახურთან.
მომხმარებლის/მოვაჭრის წარმომადგებლობა კონკურენციის ეროვნულ სააგენტოში, მომხმარებლის უფლებების დაცვის პოლიტიკის შემუშავება, საგარანტიო პირობების და საქონლის უკან დაბრუნების წესების შემუშავება.
კომპანიის სამართლებრივი მხარდაჭერა ადგილობრივ თუ საერთაშორისო ტენდერებში მონაწილეობის მიღებისას, ტენდერის შედეგების გასაჩივრება დავების განხილვის საბჭოსა და სასამართლოში. სახელმწიფო შესყიდვების ხელშეკრულების საფუძველზე დაკისრებული ჯარიმების გასაჩივრებას დაკისრებული პირგასამტეხლოს შემცირების მიზნით.
კომპანიის საქმიანობის აუდიტი „პერსონალურ მონაცემთა დაცვის შესახებ” საქართველოს კანონთან შესაბამისობის დადგენის მიზნით, პერსონალური მონაცემების დამუშავებასთან დაკავშირებული შიდა დოკუმენტების (მათ შორის, პერსონალურ მონაცემთა დაცვის პოლიტიკა, ვიდეო და აუდიო მონიტორინგის წესი და სხვ.) მომზადება.
სარჩელის/შეგებებული სარჩელის, შესაგებლის შედგენა, პირის ინტერესების დაცვა პირველ, მეორე და მესამე ინსტანციაში, არბიტრაჟში.